ఇల్లు తుడవటం, సామాన్లు సర్దడం అంటే గంటల కొద్దీ సమయం, కొండంత ఓపిక కావాలి. రోజంతా కష్టపడినా ఏదో ఒక మూల మురికి కనిపిస్తూనే ఉంటుంది. కానీ, ఒక చిన్న స్మార్ట్ ప్లాన్ ఉపయోగించడం వల్ల రోజూ చేసే క్లీనింగ్ పనిని సగం కంటే తక్కువ సమయంలోనే పూర్తి చేయవచ్చు. శ్రమను తగ్గించి, ఇంటిని అద్దంలా మార్చే ఆ అద్భుతమైన ట్రిక్ ఏంటో ఇప్పుడు చూద్దాం.
ఈ ట్రిక్ మరేంటో కాదు.. “టాప్-టు-బాటమ్ & లెఫ్ట్-టు-రైట్” (పై నుంచి కిందకు, ఎడమ నుండి కుడికి) ఫార్ములా. చాలామంది ఇల్లు క్లీన్ చేసేటప్పుడు ముందుగా కింద తుడిచి, ఆ తర్వాత పైన ఉండే సెల్ఫులు లేదా ఫ్యాన్లు క్లీన్ చేస్తుంటారు. దీనివల్ల పైన ఉన్న దుమ్ము మళ్లీ కింద పడి, చేసిన పనంతా వృధా అవుతుంది. అలా కాకుండా, మొదట ఫ్యాన్లు, లైట్లు, కిటికీలు క్లీన్ చేసి.. ఆ తర్వాత కింద ఉన్న ఫర్నిచర్, చివరగా ఫ్లోర్ తుడిస్తే సమయం చాలా ఆదా అవుతుంది.
దీంతో పాటు, ఒక చిన్న బకెట్ లేదా బాస్కెట్లో మీకు కావలసిన క్లీనింగ్ లిక్విడ్స్, స్క్రబ్బర్స్, మైక్రోఫైబర్ క్లాత్స్ అన్నీ ఒకేచోట పెట్టుకుని గదిలోకి వెళ్లండి. దీనివల్ల ప్రతి వస్తువు కోసం మాటిమాటికీ కిచెన్లోకి పరిగెత్తే పని తప్పుతుంది. ఈ చిన్న స్మార్ట్ వర్క్ మీ గంటల శ్రమను నిమిషాల్లోకి మార్చేసి, మీ ఇల్లు ఎల్లప్పుడూ సరికొత్తగా మెరిసిపోయేలా చేస్తుంది.
