“పవర్ కిల్స్ జస్టిస్” (అధికారం న్యాయాన్ని చంపేస్తుంది) అనే పవర్ఫుల్ ట్యాగ్లైన్తో విడుదలైన ‘సిస్టమ్’ ట్రైలర్ ఆద్యంతం ఉత్కంఠభరితంగా సాగింది. సమాజంలో వేళ్లూనుకుపోయిన అవినీతి, సామాన్యులకు న్యాయం దక్కకుండా చట్టంలోని లొసుగులను వాడుకునే పెద్దల ఆగడాలను ఈ ట్రైలర్ కళ్లకు కట్టినట్లు చూపించింది. ట్రైలర్ మొదటి ఫ్రేమ్ నుండి చివరి వరకు ఎంగేజింగ్గా ఉంటూ, వ్యవస్థలోని చీకటి కోణాలను సూటిగా ప్రశ్నిస్తూ ప్రేక్షకులలో తీవ్ర ఆసక్తిని రేకెత్తించింది.
ఈ సినిమాలో జ్యోతిక, సోనాక్షి సిన్హా అత్యంత బలమైన పాత్రల్లో కనిపిస్తున్నారు. ఎప్పుడూ తనదైన సహజ నటనతో ఆకట్టుకునే జ్యోతిక.. ఈ ట్రైలర్లో ఎమోషన్, అగ్రెషన్ కలగలిపిన పాత్రలో అద్భుతంగా ఒదిగిపోయారు. మరోవైపు సోనాక్షి సిన్హా తన ఫైర్ బ్రాండ్ యాటిట్యూడ్తో, అధికార బలాన్ని ఢీకొట్టే ధీర వనితగా మెప్పించారు. వీరిద్దరూ కలిసి న్యాయం కోసం చేసే పోరాటం, వారు చెప్పే పదునైన డైలాగులు సినిమాపై భారీ అంచనాలను పెంచుతున్నాయి.
సాంకేతికంగా కూడా ఈ ట్రైలర్ ఉన్నత ప్రమాణాలతో రూపొందింది. ఉత్కంఠను రేకెత్తించే బ్యాక్గ్రౌండ్ స్కోర్ సన్నివేశాల తీవ్రతను మరింత పెంచగా, సినిమాటోగ్రఫీ కథలోని ఇంటెన్సిటీకి తగ్గట్టుగా సాగింది. “ఈ సిస్టమ్ మారుస్తారా?” అనే ఆసక్తికరమైన ప్రశ్నతో సాగే ఈ ట్రైలర్.. సినిమా కథాంశం ఎంత బలంగా ఉండబోతుందో స్పష్టం చేసింది. మొత్తానికి ఈ ప్రోమో ప్రేక్షకులలో బలమైన ముద్ర వేసి, సినిమా విడుదల కోసం ఎదురుచూసేలా చేయడంలో వంద శాతం సక్సెస్ అయింది.
