బిగ్బాస్ ఫేమ్ ఆషు రెడ్డి సోషల్ మీడియాలో మరోసారి హాట్ టాపిక్ అయ్యారు. ఒకవైపు ఆమెపై చీటింగ్ కేసు నమోదైందనే వార్తలు నెట్టింట హల్చల్ చేస్తుండగా, అనూహ్యంగా ఆమె తన నిశ్చితార్థానికి సంబంధించిన ఫోటోలను షేర్ చేసి అందరినీ ఆశ్చర్యపరిచారు. ఈ ఫోటోలలో ఆమె ఒక వ్యక్తితో కలిసి ఉంగరాలు మార్చుకుంటున్నట్లు కనిపిస్తోంది. దీంతో ఈమె నిజంగానే పెళ్లి పీటలు ఎక్కబోతుందా లేక ఇదంతా ఏదైనా ప్రాజెక్ట్ ప్రమోషన్లో భాగమా అని నెటిజన్లు ఆరా తీస్తున్నారు.
గత కొద్ది రోజులుగా ఒక వ్యాపార లావాదేవీకి సంబంధించిన వివాదంలో ఆషు రెడ్డిపై చీటింగ్ కేసు నమోదైనట్లు ప్రచారం జరుగుతోంది. ఈ వివాదంపై క్లారిటీ వస్తుందని ఎదురుచూస్తున్న సమయంలో, ఆమె తన పర్సనల్ లైఫ్కు సంబంధించిన అప్డేట్ ఇవ్వడం చర్చనీయాంశమైంది. ఈ ఫోటోలు చూసిన కొందరు అభిమానులు ఆమెకు శుభాకాంక్షలు తెలుపుతుండగా, మరికొందరు మాత్రం కేసు నుండి దృష్టి మళ్లించడానికే ఈ ‘నిశ్చితార్థం డ్రామా’ ఆడుతోందని విమర్శిస్తున్నారు.
ప్రస్తుతం ఈ ఫోటోలు సోషల్ మీడియాలో తెగ వైరల్ అవుతున్నాయి. అయితే ఆషు రెడ్డి మాత్రం ఈ ఫోటోల వెనుక ఉన్న అసలు రహస్యాన్ని ఇంకా బయటపెట్టలేదు. సాధారణంగా సెలబ్రిటీలు తమ వెబ్ సిరీస్ లేదా సాంగ్ ప్రమోషన్స్ కోసం ఇలాంటి ‘ప్రాంక్’ ఫోటోలు షేర్ చేయడం మనం చూస్తుంటాం. మరి ఆషు రెడ్డి షేర్ చేసిన ఈ ఫోటోలు నిజమైన నిశ్చితార్థానివేనా లేక సినిమా ప్రమోషనా అనేది తెలియాలంటే మరికొంత కాలం వేచి చూడాల్సిందే.
