గ్లోబల్ స్టార్ రామ్ చరణ్, దర్శకుడు బుచ్చిబాబు సానా కాంబినేషన్లో ఎంతో ప్రతిష్టాత్మకంగా తెరకెక్కుతున్న రూరల్ యాక్షన్ డ్రామా ‘పెద్ది’ విడుదల తేదీ ఎట్టకేలకు ఖరారైంది. ఈ చిత్రాన్ని జూన్ 4న ప్రపంచవ్యాప్తంగా భారీ ఎత్తున విడుదల చేయనున్నట్లు చిత్ర బృందం అధికారికంగా ప్రకటించింది. ఈ సందర్భంగా విడుదల చేసిన ప్రత్యేక పోస్టర్ సోషల్ మీడియాలో వైరల్ అవుతోంది. సినిమా షూటింగ్ మొత్తం పూర్తయిందని, ప్రేక్షకులకు అద్భుతమైన థియేటర్ అనుభూతిని అందించేందుకు సిద్ధంగా ఉన్నామని మేకర్స్ వెల్లడించారు.
సినిమాటోగ్రాఫర్ రత్నవేలు ‘పెద్ది’ షూటింగ్ విజయవంతంగా ముగిసినట్లు స్పష్టం చేస్తూ రామ్ చరణ్తో తన ప్రయాణాన్ని గుర్తుచేసుకున్నారు. చరణ్ను “పవర్హౌస్ పెర్ఫార్మర్” అని కొనియాడారు. ఈ సినిమా కోసం ఆస్కార్ విజేత ఏఆర్ రెహమాన్ స్వరపరిచిన ప్రత్యేక గీతం ఈ చిత్రానికి ప్రధాన ఆకర్షణగా నిలవనుంది. హైదరాబాద్లో చిత్రీకరించిన ఈ పాటలో ఒక భారీ సర్ప్రైజ్ ఎలిమెంట్ ఉంటుందని, ఇది థియేటర్లలో ప్రేక్షకులకు కనువిందు చేస్తుందని చిత్ర యూనిట్ ధీమా వ్యక్తం చేస్తోంది.
వాస్తవానికి ఈ సినిమాను ముందే విడుదల చేయాలని భావించినప్పటికీ, పోస్ట్ ప్రొడక్షన్ పనుల్లో రాజీ పడకూడదనే ఉద్దేశంతో విడుదల తేదీని జూన్కు వాయిదా వేశారు. వృద్ధి సినిమాస్ నిర్మిస్తున్న ఈ చిత్రంలో జాన్వీ కపూర్ కథానాయికగా నటిస్తుండగా, కన్నడ స్టార్ శివ రాజ్కుమార్, జగపతి బాబు కీలక పాత్రలు పోషిస్తున్నారు. అత్యున్నత సాంకేతిక విలువలతో కూడిన ఈ చిత్రం బాక్సాఫీస్ వద్ద సరికొత్త రికార్డులు సృష్టిస్తుందని మెగా అభిమానులు ఆశాభావం వ్యక్తం చేస్తున్నారు.
