తెలుగు రాష్ట్రాల్లో iBOMMA రవి అరెస్ట్ విషయంపై చర్చలు తీవ్రంగా సాగుతున్నాయి. సినిమాలపైరసీ వ్యవహారంలో రవి అరెస్ట్ అయిన తరువాత, ఐదు రోజుల పాటు అధికారులు అతనిని వివిధ అంశాలపై ప్రశ్నించారు. ఈ వ్యవహారంలో అతనిపై అదనల్ ఛార్జ్‌షీట్ దాఖలు చేయడం సంచలన విషయాలను వెలుగులోకి తెచ్చింది.
చార్జ్‌షీట్ ప్రకారం, రవి అనేక iBOMMA డొమైన్‌లను స్వాధీనం చేసుకోవడంతో పాటు వాటిని USD ద్వారా కొనుగోలు చేసిన ఇన్‌వాయిస్లను పోలీసులు సేకరించారు. ఈ డొమైన్‌ల ద్వారా వినియోగదారులను ఇతర బెట్టింగ్ యాప్‌లకు రీడైరెక్ట్ చేసే లింక్‌లు ఏర్పాటు చేసినట్లు గుర్తించారు. ప్రతి డొమైన్‌కు ప్రత్యేక కోడ్ ఉపయోగించి, పోలీసులకు చిక్కకుండా ఉండేలా ఒక పటిష్టమైన వ్యవస్థను రూపొందించినట్టు వెల్లడైంది.
అత్యంత కీలకంగా, రవి అనేక అనుబంధ కంపెనీలను సృష్టించి వాటిని ER ఇన్ఫోటెక్ అనే ప్రధాన కంపెనీకి అనుసంధానం చేశాడు. ఈ కంపెనీ అమెరికా కేంద్రంగా ఉండగా, పూర్తిగా రవికి చెందినదని పోలీసులు నిర్ధారించారు. ఈ విధంగా రవి అక్రమంగా ఆర్థిక లావాదేవీలను నిర్వహించి, ట్రేస్ కాకుండా కార్యకలాపాలను కొనసాగించాడని చెప్పవచ్చు.
అరెస్ట్ సమయంలో రవి సాక్ష్యాలను దాచే ప్రయత్నాలు కూడా చేస్తూ, తన ల్యాప్‌టాప్‌ను బాత్రూంలో, హార్డ్‌డిస్క్‌లను లేడీస్ డ్రెస్సింగ్ టేబుల్ కింద దాచినట్టు ఒప్పుకున్నాడు. ఈ అదనల్ ఛార్జ్‌షీట్ రవి సాంకేతిక మరియు ఆర్థిక మాయాజాలాన్ని, సాక్ష్యాలను దాచిన ప్రయత్నాలను వివరిస్తూ, కేసులో మరింత లోతైన దర్యాప్తుకు దారితీసింది.
