భద్రతా దళాలు చేపడుతున్న ‘ఆపరేషన్ కాగర్’ చరమాంకానికి చేరింది. దండకారణ్యంలో వరుస ఎన్‌కౌంటర్లు జరిగే సమయంలో, మావోయిస్టు పార్టీ తాత్కాలికంగా ఆయుధాలను వదిలివేయాలని సంచలన లేఖ విడుదల చేసింది.
మావోయిస్టుల జోనల్ కమిటీ మావోయిస్టు కేంద్ర కమిటీ సభ్యుడైన సోనూ దాదా నిర్ణయాన్ని మద్దతు ఇవ్వగా, MMC సతీష్ దాదా, చంద్రన్న తదితరులు కూడా సమర్థించారు. మూడు రాష్ట్రాల ప్రభుత్వాలకు సమయం ఇవ్వమని, ఫిబ్రవరి 15, 2026 వరకు ఆయుధాల వదిలివేత తేదీ ప్రకటించాలని కోరారు.
ఎంఎంసీ జోన్‌లోని సభ్యులు కూడా కార్యకలాపాలను నిలిపివేయబోతున్నట్లు వెల్లడించారు. పీఎల్‌జీఏ వార్షికోత్సవాల సమయంలో ఎలాంటి ఆపరేషన్లు జరగకూడదని మూడు రాష్ట్రాల ప్రభుత్వాలకు విజ్ఞప్తి చేశారు.
ప్రజాప్రతినిధులు, జర్నలిస్టులతో సమావేశమయ్యి సామూహికంగా ఆయుధాలు వదిలే ప్రణాళికను ఏర్పాటు చేయడానికి త్వరలో కచ్చితమైన తేదీని ప్రకటిస్తామని మావోయిస్టులు పేర్కొన్నారు. ఈ ప్రక్రియ భద్రతా బలగాల సహకారం ఉంటేనే సాధ్యమని తెలిపారు.
