వరంగల్ పోలీస్ కమిషనర్ సన్ ప్రీత్ సింగ్ పోలీసుల వ్యక్తిగత ఆరోగ్యం మరియు వారి కుటుంబ సభ్యుల ఆరోగ్యంపై శ్రద్ధ చూపాలని శుక్రవారం పోలీస్ కమిషనరేట్ కార్యాలయంలో ఉచిత వైద్య శిబిరాన్ని ప్రారంభించారు. ఈ కార్యక్రమం వారందరి శారీరక, మానసిక ఆరోగ్య పరిరక్షణకు ప్రత్యేకంగా ఏర్పాటు చేయబడింది.
వైద్య శిబిరంలో కార్డియాలజిస్ట్, ఆర్థోపెడిక్, గైనకాలజిస్ట్, నెఫ్రాలజిస్ట్, ఫిజిషియన్, న్యూరాలజిస్ట్, గ్యాస్ట్రోఎంటరాలజిస్ట్ విభాగాలకు చెందిన నిపుణులు పాల్గొని పోలీసుల కుటుంబ సభ్యులపై వైద్య పరీక్షలు నిర్వహించారు. అవసరమైతే మరింత లోతైన పరీక్షలు కూడా చేయడం జరిగింది.
పోలీసులు ఆరోగ్యంగా ఉంటే సమాజానికి మెరుగైన సేవలను అందించగలరని కమిషనర్ తెలిపారు. ఈ రెండురోజుల వైద్య శిబిరాన్ని అధికారులు, పోలీసులు, వారి కుటుంబ సభ్యులు సద్వినియోగం చేసుకోవాలని సూచించారు.
శిబిరంలో పాల్గొన్న వైద్యులు, మెడికవర్ యాజమాన్యం, సిబ్బందికి పోలీస్ కమిషనర్ కృతజ్ఞతలు తెలిపారు. సెంట్రల్ మెడిసిన్ స్టోర్స్ నుంచి సుమారు 5 లక్షల విలువైన మందులు పాల్గొన్న పోలీసులు, వారి కుటుంబ సభ్యులకు అందజేయబడినట్లు తెలిపారు. ఈ కార్యక్రమంలో ఈస్ట్ జోన్ డిసిపి అంకిత్ కుమార్, అదనపు డిసిప్లినర్ రవి, సురేష్ కుమార్, శ్రీనివాస్, ప్రభాకర్ రావు, బాల స్వామి, వైద్య ఆరోగ్య అధికారి అప్పయ్య, ఇతర ఆర్.ఐ లు, మెడికవర్ వైద్యులు పాల్గొన్నారు.
