ఆంధ్రప్రదేశ్ ముఖ్యమంత్రి నారా చంద్రబాబు నాయుడు, ఆయన సతీమణి నారా భువనేశ్వరి గారు సామాన్యుల పట్ల తమకున్న నిబద్ధతను మరోసారి చాటుకున్నారు. ఇటీవల వారు ఒక అన్న క్యాంటీన్ను సందర్శించి, అక్కడ వడ్డిస్తున్న ఆహార నాణ్యతను స్వయంగా పరిశీలించారు. కేవలం తనిఖీలతో సరిపెట్టకుండా, అక్కడ ఉన్న పేద ప్రజలతో కలిసి బెంచీపై కూర్చుని వారు అల్పాహారం చేయడం అందరి దృష్టిని ఆకర్షించింది.
ఈ సందర్భంగా భువనేశ్వరి గారు అక్కడికి వచ్చిన ప్రజలతో ముచ్చటించి, క్యాంటీన్లలో అందుతున్న భోజన సౌకర్యాలపై ఆరా తీశారు. పేదవాడి ఆకలి తీర్చడమే లక్ష్యంగా ప్రారంభించిన ఈ అన్న క్యాంటీన్లు, ప్రస్తుతం వేలాది మందికి ఆసరాగా నిలుస్తున్నాయని ఆమె హర్షం వ్యక్తం చేశారు. ముఖ్యమంత్రి దంపతులు తమతో కలిసి భోజనం చేయడం పట్ల అక్కడ ఉన్న సామాన్య ప్రజలు ఆనందాన్ని, ఆశ్చర్యానికి గురయ్యారు.
నారా లోకేష్ చేపట్టిన ‘యువగళం’ పాదయాత్ర సమయంలోనూ, హెరిటేజ్ సంస్థ ద్వారా కూడా భువనేశ్వరి గారు సామాజిక సేవా కార్యక్రమాల్లో చురుగ్గా పాల్గొంటున్నారు. అన్న క్యాంటీన్ల పునరుద్ధరణ పట్ల ఆమె ప్రత్యేక శ్రద్ధ కనబరుస్తూ, నాణ్యమైన ఆహారం నిరంతరం అందేలా చూడాలని అధికారులను కోరారు. ఈ చిత్రాలు ప్రస్తుతం సోషల్ మీడియాలో వైరల్ అవుతున్నాయి, ఇది వారి నిరాడంబరతకు నిదర్శనమని అభిమానులు కొనియాడుతున్నారు.
