*భారత రాజ్యాంగ శిల్పి, సామాజిక న్యాయ పోరాట యోధుడు డాక్టర్ బి.ఆర్. అంబేద్కర్ గారి జయంతి సందర్భంగా అంబర్పేట్ ప్రాంతంలో ఘనంగా నివాళుల కార్యక్రమం నిర్వహించారు. ఈ కార్యక్రమంలో అడ్వకేట్ షహానా బేగం గారు, ఆమె భర్త మొహమ్మద్ అజర్ (బీఆర్ఎస్ యువ నాయకుడు, అంబర్పేట్) పాల్గొని అంబేద్కర్ విగ్రహానికి పూలమాలలు వేసి ఘన నివాళులు అర్పించారు. ఈ సందర్భంగా అడ్వకేట్ షహానా బేగం గారు మాట్లాడుతూ, డాక్టర్ బాబాసాహెబ్ అంబేద్కర్ గారు దూరదృష్టి గల మహానేతగా, సమానత్వానికి ప్రతీకగా, భారత రాజ్యాంగ నిర్మాతగా దేశానికి అపారమైన సేవలు అందించారని పేర్కొన్నారు. అణగారిన వర్గాల హక్కుల కోసం ఆయన చేసిన నిరంతర పోరాటం దేశ ప్రజాస్వామ్యానికి బలమైన పునాది వేశిందని తెలిపారు. అంబేద్కర్ గారి ఆశయాలు నేటి తరానికి మార్గదర్శకాలని, సమానత్వం, సామాజిక న్యాయం, విద్య మరియు స్వాభిమానం అనే సిద్ధాంతాలను యువత ఆచరణలో పెట్టాలని పిలుపునిచ్చారు. మొహమ్మద్ అజర్ మాట్లాడుతూ, అంబేద్కర్ గారి చూపిన మార్గంలో నడుస్తూ సమాజంలో న్యాయం, సమానత్వం స్థాపన కోసం కృషి చేయడం ప్రతి ఒక్కరి బాధ్యత అని అన్నారు. బీఆర్ఎస్ పార్టీ సామాజిక న్యాయం కోసం కట్టుబడి పనిచేస్తుందని తెలిపారు. ఈ కార్యక్రమంలో స్థానిక నాయకులు, కార్యకర్తలు మరియు ప్రజలు పెద్ద సంఖ్యలో పాల్గొని అంబేద్కర్ గారికి ఘన నివాళులు అర్పించారు.*
