నేషనల్ క్రష్ రష్మిక మందన్న తన 30వ పుట్టినరోజును ఈసారి ఎంతో చిరస్మరణీయంగా జరుపుకున్నారు. ఈ ఏడాది ఫిబ్రవరిలో నటుడు విజయ్ దేవరకొండను వివాహం చేసుకున్న తర్వాత వచ్చిన తొలి పుట్టినరోజు కావడంతో, ఆమె తన భర్తతో కలిసి సొంతూరు కూర్గ్కు వెళ్లారు. ఏప్రిల్ 5న జరిగిన ఈ వేడుకల్లో భాగంగా తన చిన్ననాటి జ్ఞాపకాలను నెమరువేసుకుంటూ, అక్కడ ఉన్న తన పాత పాఠశాలను సందర్శించి, స్థానిక దేవాలయంలో ప్రత్యేక పూజలు నిర్వహించారు.
ఈ పర్యటనలో రష్మిక తన కుటుంబ సభ్యులతో పాటు చిన్ననాటి స్నేహితులను కూడా కలుసుకున్నారు. ముఖ్యంగా ఉదయ్పూర్లో జరిగిన తన వివాహ వేడుకకు హాజరు కాలేకపోయిన బంధువుల కోసం ప్రత్యేకంగా డిన్నర్ ఏర్పాటు చేసి వారితో సమయాన్ని గడిపారు. చాలా కాలం తర్వాత ఇంటికి వెళ్లి, ఆత్మీయుల మధ్య పుట్టినరోజు జరుపుకోవడం తనకు ఎంతో సంతృప్తిని ఇచ్చిందని ఆమె సామాజిక మాధ్యమాల వేదికగా ఆనందం వ్యక్తం చేశారు.
సోషల్ మీడియాలో ఈ వేడుకకు సంబంధించిన ఫోటోలను పంచుకుంటూ రష్మిక భావోద్వేగానికి లోనయ్యారు. “జీవితంలో జరిగే ప్రతిదీ ఒక మంచి కారణం కోసమే జరుగుతుందని, ఇప్పుడు అన్నీ సార్థకమైనట్లు అనిపిస్తోంది” అని ఆమె పేర్కొన్నారు. గత కొంతకాలంగా ప్రేమలో ఉన్న విజయ్, రష్మికలు ఈ ఏడాది ఫిబ్రవరి 26న రాజస్థాన్లో వైభవంగా వివాహం చేసుకున్న సంగతి తెలిసిందే.
