ఐపీఎల్ 2026 సీజన్ ప్రారంభానికి ముందే సన్రైజర్స్ హైదరాబాద్ (SRH) జట్టుకు భారీ ఎదురుదెబ్బ తగిలింది. జట్టు కెప్టెన్ ప్యాట్ కమిన్స్ గాయం కారణంగా ఆరంభ మ్యాచ్లకు అందుబాటులో ఉండటం లేదని కోచ్ డేనియల్ వెటోరీ అధికారికంగా ధృవీకరించారు. రాయల్ ఛాలెంజర్స్ బెంగళూరుతో జరగనున్న తొలి మ్యాచ్కు ముందు నిర్వహించిన ప్రెస్ కాన్ఫరెన్స్లో వెటోరీ ఈ విషయాన్ని వెల్లడించారు. కమిన్స్ ప్రస్తుతం ఫిట్గానే ఉన్నప్పటికీ, బౌలింగ్ లోడ్స్ పెంచే ప్రక్రియలో ఇంకా పూర్తిస్థాయి క్లియరెన్స్ రావాల్సి ఉందని ఆయన పేర్కొన్నారు.
క్రికెట్ ఆస్ట్రేలియా (CA) నుండి కమిన్స్కు ఇంకా ‘నో అబ్జెక్షన్ సర్టిఫికెట్’ (NOC) అందలేదని, దీనివల్ల అతను జట్టుతో చేరడానికి మరో 10 నుంచి 12 రోజుల సమయం పట్టవచ్చని వెటోరీ వివరించారు. చాలా కాలం పాటు ఆటకు దూరంగా ఉండటంతో, నేరుగా మైదానంలోకి దిగి బౌలింగ్ చేయడం వల్ల గాయం తిరగబెట్టే ప్రమాదం ఉందని, అందుకే ముందుజాగ్రత్తగా అతనికి విశ్రాంతిని ఇస్తున్నట్లు తెలిపారు. అయితే కమిన్స్ జట్టుతో లేకపోయినా, దూరం నుండే ఆటగాళ్లకు అవసరమైన సలహాలు, సూచనలు అందిస్తారని కోచ్ భరోసా ఇచ్చారు.
కమిన్స్ అందుబాటులో లేని పక్షంలో సన్రైజర్స్ మేనేజ్మెంట్ కీలక నిర్ణయం తీసుకుంది. యువ వికెట్ కీపర్ బ్యాటర్ ఇషాన్ కిషన్కు జట్టు సారథ్య బాధ్యతలను అప్పగించింది. ఈ కొత్త బాధ్యత పట్ల ఇషాన్ చాలా ఉత్సాహంగా ఉన్నాడని, అతని నాయకత్వంలో జట్టు మంచి ఫలితాలు సాధిస్తుందని వెటోరీ ఆశాభావం వ్యక్తం చేశారు. డిఫెండింగ్ ఛాంపియన్ ఆర్సీబీతో చిన్నస్వామి స్టేడియంలో జరగనున్న హై-వోల్టేజ్ మ్యాచ్లో కమిన్స్ లేని లోటును ఇషాన్ ఎలా భర్తీ చేస్తాడో చూడాలని అభిమానులు ఆసక్తిగా ఎదురుచూస్తున్నారు.
