ఉస్మానియా యూనివర్సిటీ డైరెక్టరేట్ ఆఫ్ అడ్మిషన్స్ డైరెక్టర్ పాండు రంగారెడ్డి ఛాంబర్ ముందు దాదాపు 15 మంది విద్యార్థులు ఆందోళన చేపట్టారు. వారు తమకు సీట్లు లభించినప్పటికీ సెకండ్ ఫేజ్‌లో వెబ్ ఆప్షన్స్ పెట్టకపోవడం, ఫోన్లకు ఓటీపీ రాకపోవడం వల్ల సమస్య ఎదురైనట్లు తెలిపారు.
విద్యార్థులు తమ సీట్లు ఇతరులకే కేటాయించబడ్డాయని ఆగ్రహం వ్యక్తం చేశారు. తమ సమస్యను వివరించడానికి వచ్చినప్పుడు డైరెక్టర్ పాండు రంగారెడ్డి కాస్త కఠినంగా స్పందించి ‘మీ ర్యాంక్‌కు ఇచ్చిన సీటు ఇదే, మీరు ఇక్కడినుంచి వెళ్లిపోండి’ అని మాట్లాడు అని విద్యార్థులు పేర్కొన్నారు.
ఈ పరిస్థితిని గమనించిన విద్యార్థి సంఘాలు వెంటనే చాంబర్ ముందు ఆందోళనకు దిగడం జరిగింది. విద్యార్థులు తమ హక్కులు కోసం ధైర్యంగా ప్రతిఘటించారని తెలిపారు. వారు సమస్యను పరిష్కరించాలని డిమాండ్ చేశారు.
విద్యార్థుల ఆందోళనలో కౌన్సెలింగ్ ప్రక్రియలో సరైన సమాచారం అందించకపోవడం, సాంకేతిక సమస్యలు, వెబ్ ఆప్షన్లలో లోపాలు ప్రధాన కారణాలుగా వెల్లడయ్యాయి. సమస్యకు తక్షణమే పరిష్కారం కోరుతూ విద్యార్థులు, సంఘాలు యూనివర్సిటీ అధికారులకు పిలుపునిచ్చారు.
