రంగారెడ్డి జిల్లా శేరిలింగంపల్లి మండలంలోని కొండాపూర్లో బడాబాబుల ఆగడాలకు, పార్కులు మరియు ప్రజావసరాల స్థలాలకు హైడ్రా చెక్ పెట్టింది. దాదాపు 4 ఎకరాల విస్తీర్ణంలో ఉన్న ఈ స్థలాలను కాపాడి చుట్టూ ఫెన్సింగ్ ఏర్పాటు చేసింది.
1980లో ఏర్పాటు చేసిన 57.20 ఎకరాల శ్రీ వేంకటేశ్వర హెచ్ఏఎల్ కాలనీలో 1.20 ఎకరాల, 2 ఎకరాల పరిమాణంలో పార్కులు, ప్రజావసర స్థలాలు ఉన్నాయి. కానీ కొన్నేళ్లుగా అవి బై నంబర్ల ద్వారా ప్లాట్లుగా మార్చి అమ్మబడ్డాయి.
రెసిడెంట్స్ వెల్ఫేర్ అసోసియేషన్ ఫిర్యాదు మేరకు హైకోర్టు కూడా పార్కులు మరియు ప్రజావసర స్థలాలను కాపాడాలని సూచించింది. క్షేత్రస్థాయిలో పరిశీలించిన హైడ్రా అధికారులు అక్రమ లావాదేవీలను గుర్తించారు.
హైకోర్టు ఆదేశాల ప్రకారం, శుక్రవారం హైడ్రా అధికారులు పార్కుల చుట్టూ ఫెన్సింగ్ వేసి, బోర్డులు ఏర్పాటు చేశారు. స్థానికులు హర్షం వ్యక్తం చేస్తూ ఫిర్యాదు వెంటనే ఫలితాన్ని ఇచ్చిన హైడ్రాకు ధన్యవాదాలు తెలిపారు.
