శక్తి స్వరూపిణి శ్రీ ప్రత్యంగిర దేవి తల్లి దయతో సనాతన ధర్మం విరాజిల్లుతుందని మల్కాజిగిరి ఎంపీ ఈటల రాజేందర్ తెలిపారు. హిందువుల ప్రధాన దేవతలలో ఒకరైన ప్రత్యంగిరా దేవి, వైదిక పద్ధతుల్లో విశేషంగా పూజించబడుతుందని, ఆమె చల్లని చూపు ప్రజలకు సానుకూల శక్తి, సుఖసంతోషాన్ని ప్రసాదిస్తున్నదని ఎంపీ పేర్కొన్నారు. ఈ సందర్బంగా, ప్రగతినగర్ పట్టాభి రామాలయంలో ఆలయ అర్చకుల ఆధ్వర్యంలో జరగుతున్న ప్రత్యేక పూజలలో ఎంపీ పాల్గొన్నారు.
గత మూడు రోజులుగా జరుగుతున్న శ్రీ ప్రత్యంగిరా దేవి పూజల్లో సోమవారం హోమం మహా పూర్ణాహుతి కార్యక్రమం జరిగింది. ఈ సందర్భంలో ఎంపీ భక్తుల ముందే ప్రసంగం చేశారు. భక్తులను ప్రోత్సహిస్తూ సనాతన ధర్మం, హిందూ సంప్రదాయాల పరిరక్షణ, ఆచారాలను పాటించడంపై కీలక సందేశాలు ఇచ్చారు. ఉత్సవ నిర్వాహకులు, ఆలయ కమిటీ సభ్యులు ఎంపీకి ధన్యవాదాలు తెలుపుతూ, ఈ రకమైన ఆధ్యాత్మిక కార్యక్రమాలు కొనసాగించడానికి ప్రోత్సాహం ఇచ్చారు.
ప్రత్యంగిరా దేవి వైభవ ప్రవచనంలో శ్రీ బాచంపల్లి సంతోష్ కుమార్ శర్మ హైందవ ధర్మం, భక్తులు పాటించవలసిన ఆచారాలు, విధులు, సామాజిక పరిమితులు వంటి అంశాలను వివరించారు. భక్తుల విద్య, ఆచారాలకు స్పష్టమైన మార్గదర్శకత్వం అందిస్తూ, సనాతన సంప్రదాయాల పరిరక్షణలో పూజల ప్రాముఖ్యతను వివరించారు.
ఈ కార్యక్రమంలో ఆలయ అర్చకులు, కమిటీ చైర్మన్ చల్లా సుధీర్ రెడ్డి, కమిటీ సభ్యులు, మాజీ కార్పొరేటర్లు విజయలక్ష్మీ సుబ్బారావు, ఇంద్రజిత్ రెడ్డి, డాక్టర్ ఎమ్ఆర్ఎస్ రాజు, దాసి నాగరాజు, ప్రొఫెసర్ చంద్రమౌళి, చెన్నారెడ్డి, ఆశోక్ మైలారం, రచ్చ చక్రధర్, సత్యనారాయణ తదితరులు పాల్గొని భక్తులతో కలసి ఆధ్యాత్మిక వాతావరణాన్ని అందించారు. మూడు రోజుల ఉత్సవం ముగియనంతవరకు విశేష పూజలు, భక్తిపూర్వక కార్యక్రమాలు కొనసాగాయి.
